ᐱᔾᔪᑎᒋᓪᓗᒍ ᓄᓇᕗᒻᒥ ᑕᒪᐃᓐᓂᒃ ᓇᐅᑦᓯᖅᑐᐃᖃᑕᕐᓂᕐᒧᑦ ᐸᕐᓇᐅᑎ
ᓱᓇᐅᒻᒪᑦ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᓄᓇᕗᒻᒥ?
ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᐱᒻᒪᕆᐊᓗᒻᒥᒃ ᐃᓚᒋᔭᐅᔪᑦ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑎᒧᑦ. ᐊᑐᓕᖅᑎᑕᐅᓂᖓᓄᑦ ᓄᓇᕗᒻᒥ ᓇᐅᑦᓯᖅᑐᐃᖃᑦᑕᕐᓂᕐᒧᑦ ᐸᕐᓇᐅᑎ, ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᖃᓲᖑᕗᑦ ᓄᓇᕗᒻᒥ ᐃᓚᒋᔭᖏᓐᓂᒃ ᑲᑎᖅᓱᖅᑕᐅᓂᖏᓐᓄᑦ ᑐᑭᓯᓂᐊᖅᑕᐅᕙᓐᓂᖏᓄᓪᓗ ᖃᐅᔨᒃᑲᐃᔾᔪᑎᑦ ᓄᓇᒥᒃ ᐆᒪᔪᖃᕐᓂᖏᓐᓂᒃ/ᓂᕐᔪᑎᖃᕐᓂᖏᓐᓂᒃ, ᐱᕈᕐᕕᐅᔪᓐᓇᕐᓂᖏᓐᓂᒃ ᐊᒻᒪᓗ ᐃᓅᖃᑎᒌᒃᑐᓂ−ᐃᓅᔾᔪᑎᒃᓴᖏᓐᓄᓪᓗᓐᓃᑦ ᑮᓇᐅᔭᓕᐅᕈᑕᐅᒍᓇᕐᓂᖏᓄᓪᓗ ᖃᓄᐃᖏᓐᓂᖏᓐᓂᒃ ᓄᓇᕗᒻᒥ:
ᐃᓗᓕᖏᑦ 12.7.6 - ᑕᒪᐃᓐᓂᒃ ᓇᐅᑦᓯᖅᑐᐃᖃᑦᑕᕐᓂᖅ
ᒪᓕᒐᖃᕐᒪᑕ ᑕᒪᐃᓐᓂᒃ ᓇᐅᑦᓯᖅᑐᖅᑕᐅᖃᑦᑕᕆᐊᓕᓐᓂᒃ ᓄᐊᑕᐅᓂᖏᓐᓄᑦ ᐊᒻᒪᓗ ᑐᑭᓯᓂᐊᖃᑦᑕᕐᕆᐊᖃᕐᓂᖏᓐᓄᑦ ᐊᑯᓂᐅᓂᐊᖅᑐᒧᑦ ᖃᓄᐃᓕᖓᓚᖓᓂᖏᑦ ᐊᒻᒪᓗ ᖃᓄᐃᖏᓐᓂᖏᑦ ᓄᓇᐃᑦ ᐆᒪᔪᖃᕐᕕᐅᓂᖏᑦ/ᓂᕐᔪᑎᖃᕐᕕᐅᓂᖏᓐᓄᑦ, ᐱᕈᖅᕕᐅᔪᓐᓇᕐᓂᖏᓪᓗ ᐊᒻᒪᓗ ᐃᓅᖃᑎᒌᒃᑐᓂᒃ/ᐃᓄᔾᔪᑎᑦᓴᖃᕈᓐᓇᕐᓂᖏᑦ ᑮᓇᐅᔭᓕᐅᕈᑕᐅᒍᓇᕐᓂᖏᓪᓗᓐᓃᑦ ᐃᓅᔾᔪᑎᑦᓴᖏᓐᓄᑦ ᐊᕙᓗᖏᓐᓂᒃ ᓄᓇᕗᒻᒥ ᓄᓇᑖᕐᕕᐅᓯᒪᓂ. ᒐᕙᒪᒃᑯᑦ, ᐱᓕᕆᖃᑎᖃᕐᓗᑎᒃ ᓄᓇᕗᒻᒥ ᐸᐃᔩᑦ ᑲᒥᓯᓇᒃᑯᖏᓐᓄᑦ (ᐸᕐᓇᐃᔩᑦ ᑲᒥᓯᓇᑯᑦ) ᑲᒪᔨᐅᖃᑦᑕᕐᓂᐊᖅᑐᑦ ᐋᖅᑭᐅᒪᑎᑦᓯᓂᐊᕐᓂᖅ ᐊᑐᖅᑕᐅᓂᐊᖅᑐᓂᒃ ᑕᒪᐃᓐᓂᒃ ᓇᐅᑦᓯᖅᑐᐃᔾᔪᑎᑦᓴᓄᑦ ᐸᕐᓇᐅᑎᓂᒃ ᐊᒻᒪᓗ ᓇᓗᓇᐃᔭᐃᓂᕐᒧᑦ ᐊᒻᒪᓗ ᑐᑭᓕᐅᖅᑎᐅᖃᑕᕐᓂᕐᒧᑦ ᑕᒪᐃᓐᓂᒃ ᓇᐅᑦᓯᖅᑐᖅᑕᐅᕙᓪᓕᐊᓂᐊᖅᑐᓂᒃ ᐊᒻᒪᓗ ᖃᐅᔨᔭᐅᕙᓪᓕᐊᔪᓂᒃ ᓄᐊᑦᓰᓂᖅ.
ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᑲᑐᔾᔭᐅᓯᒪᓪᓗᓂ ᐱᓕᕆᐊᒃᓴᐅᕗᖅ ᐊᐅᓚᑕᐅᓪᓗᓂ ᑐᑭᒧᐊᒃᑎᑦᑎᔨᐅᓪᓗᑎᒃ ᑲᑎᒪᔨᕋᓛᓄᑦ ᑭᒡᒐᖅᑐᐃᔨᐅᔪᓄᑦ ᓄᓇᕗᒻᒥ ᐸᕐᓇᐃᔨᓄᑦ, ᓄᓇᕗᑦ ᑐᙵᕕᒃᑯᓐᓄᑦ, ᓄᓇᕗᑦ ᒐᕙᒪᖓᓄᑦ, ᐊᒻᒪᓗ ᐃᓄᓕᕆᔨᑐᖃᕐᓄᑦ ᑭᒡᒐᖅᑐᐃᔪᓄᑦ ᑲᓇᑕᐅᑉ ᒐᕙᒪᑐᖃᖓᓂᒃ. ᑎᒥᖁᑐᐃᑲᐃᓐᓇᖅᑐᖅ ᐃᓄᓕᕆᔨᒃᑯᓐᓄᑦ ᐃᓚᒋᔭᐅᔪᖅ.
ᓄᓇᕗᒻᒥ ᖃᐅᔨᓴᕈᑎᓄᑦ ᖃᓄᐃᓕᐅᕈᑎᒃᓴᓄᑦ ᐸᕐᓇᐅᑎ
ᑕᐃᒃᑯᐊ ᑕᐃᔭᐅᔪᑦ ᓄᕕᖅᓴᐃᕙᓪᓕᐊᓂᖅ ᐊᑐᒐᑦᓴᓂᒃ Weaving our Tapestry , ᑕᓪᓕᒪᓄᑦ ᐊᕐᕌᒍᓄᑦ ᖃᓄᐃᓕᐅᕈᑎᑦᓴᐅᓪᓗᑎᒃ ᐸᕐᓇᐅᑕᐅᒻᒪᑕ ᑕᐃᒃᑯᓄᖓ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᒥ (2010/11 – 2014/15), ᐅᓂᒃᑳᖅᓯᒪᑦᓯᐊᖅᑐᑦ ᑕᐃᒃᑯᓂ ᓇᐅᑦᓯᖅᑐᐃᖃᑦᑕᕐᓂᕐᒧᑦ ᐸᕐᓇᐅᑎᖏᓐᓂᒃ ᑎᓕᔭᐅᓯᒪᓂᖏᓐᓂᒃ, ᑕᐅᑐᒐᕆᔭᖏᓐᓂᒃ, ᑐᕌᒐᕆᔭᖏᓐᓂᒃ, ᓯᕗᓪᓕᐅᕕᒋᕙᓐᓂᐊᖅᑕᖏᑦ, ᐱᓕᕆᐊᖑᓂᖏᓐᓂᒃ ᐊᐅᓚᑦᓯᕙᓐᓂᕐᒥᒃ ᐊᒻᒪᓗ ᐊᐅᓚᑦᓯᔨᖃᕐᓂᖏᓐᓂᒃ. ᑖᓐᓇ ᖃᓄᐃᓕᐅᕈᑎᔅᓴᓄᑦ ᐸᕐᓇᐅᑎ ᐊᑑᑎᖃᓚᖓᒻᒪᑦ ᓯᕗᓪᓕᐅᓂᖅᐹᖑᓂᖅ ᐱᓕᕆᐊᖃᕈᑕᐅᓂᕐᒧᑦ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᒧᑦ, ᐊᒻᒪᓗ ᑐᖓᕕᐅᓂᐊᖅᓱᑎᒃ ᐃᓵᖅᓯᒪᒍᑕᐅᔪᓐᓇᕐᓂᕐᒧᑦ ᐊᒻᒪᓗ ᐃᓚᐅᑎᑦᓯᔪᓐᓇᖃᑦᑕᕐᓂᕐᒧᑦ ᐊᓯᒥᓂᒃ ᐃᓚᒋᕙᓐᓂᐊᕐᒥᔭᖏᓐᓂᒃ, ᐃᓚᐅᔭᕆᐊᖃᖅᑐᓂᓪᓗ, ᐊᒻᒪᓗ ᐃᓚᐅᖃᑦᑕᕈᒪᒻᒥᔪᓂᒃ ᐃᓚᐅᕝᕕᐅᒍᓐᓇᕐᓂᖅ ᐱᕙᓪᓕᐊᑎᑕᐅᓂᖏᓐᓄᒃ ᖃᓄᐃᖓᓪᓗᐊᑕᕆᔭᐅᔪᑦ ᐱᓕᕆᐊᔅᓴᐃᑦ ᐋᖅᑭᐅᒪᓂᔅᓴᖏᑦ, ᐱᓕᕆᐊᑦᓴᐅᓂᖏᓐᓄᑦ ᐸᕐᓇᐅᑎᑦ ᐊᒻᒪᓗ ᐊᑐᒐᔅᓴᐃᑦ.
ᓄᓇᕗᒻᒥ ᖃᐅᔨᓴᕈᑎᓄᑦ ᐸᕐᓇᐅᑎᐅᑉ ᐊᕐᕌᒍᓕᒫᒧᑦ
ᐃᓚᒋᔭᐅᓪᓗᑎᒃ ᓄᓇᑦᓯᐊᕐᒥ ᑲᑎᑉᐸᓪᓕᐊᑐᐃᓐᓇᖅᑐᓂᒃ ᐊᑦᑐᖅᑕᐅᓯᒪᓂᕐᒧᑦ ᓇᐅᑦᓯᖅᑐᐃᒍᑎᖏᓐᓂᒃ, ᑕᐃᒃᑯᐊ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᑎᒍᑦ ᓴᖅᑭᐅᒪᑎᑦᓯᓲᖑᔪᑦ ᐅᖃᓕᒫᒐᓕᐊᒥᓂᒃ ᐊᕐᕌᒍᑕᒫᑦ ᑐᓴᕋᑦᓴᓪᓗᐊᑕᐅᓂᖏᓐᓂᒃ.
- ᓄᓇᑦᓯᐊᕐᒥ ᑲᑎᑉᐸᓪᓕᐊᑐᐃᓐᓇᖅᑐᓂᒃ ᐊᑦᑐᖅᑕᐅᓯᒪᓂᕐᒧᑦ ᓇᐅᑦᓯᖅᑐᐃᒍᑎᖏᓐᓂᒃ ᐊᒻᒪᓗ ᑕᐃᒃᑯᐊ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ: 2011/2012−ᒧᑦ ᑐᓴᕋᑦᓴᓪᓗᐊᑕᐃᑦ NWT CIMP and NGMP: Highlights for 2011/2012 – ᐅᓂᒃᑳᓕᐊᑦ (2013−ᒥ)
- ᓄᓇᑦᓯᐊᕐᒥ ᑲᑎᑉᐸᓪᓕᐊᑐᐃᓐᓇᖅᑐᓂᒃ ᐊᑦᑐᖅᑕᐅᓯᒪᓂᕐᒧᑦ ᓇᐅᑦᓯᖅᑐᐃᒍᑎᖏᓐᓂᒃ ᐊᒻᒪᓗ ᑕᐃᒃᑯᐊ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ: 2012/2013−ᒧᑦ and 2013/14 ᑐᓴᕋᑦᓴᓪᓗᐊᑕᐃᑦ NWT CIMP and NGMP: Highlights for 2012/2013 and 2013/14 – ᐅᓂᒃᑳᓕᐊᑦ (2014−ᒥ)
ᖃᐅᔨᒃᑲᐃᔾᔪᑎᓂᒃ ᓄᐊᑦᓯᕙᓐᓂᖏᑦ
ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᐊᑐᐃᓐᓇᐅᑎᑦᑎᔪᑦ ᑲᑎᖅᓱᐃᓂᕐᒥᒃ ᖃᐅᔨᓴᕐᓂᕐᒥᒡᓗ ᐱᑕᖄᓂᒃᑐᓂᒃ ᓇᐅᑦᑎᖅᓱᕐᓂᕐᒧᑦ ᖃᐅᔨᒃᑲᐃᔾᔪᑎᓂᒃ, ᓇᓗᓇᐃᖅᓯᕙᒃᖢᓂᒃ ᐃᓚᑰᔪᓂᒃ ᓇᐅᑦᑎᖅᓱᖅᑕᐅᔭᕆᐊᓕᖕᓂᒃ, ᑐᓂᓯᓛᖅᖢᓂᓗ ᑭᒃᑯᑐᐃᓐᓇᕐᓄᑦ ᓇᐅᑦᑎᖅᓱᕐᓂᕐᒧᑦ ᐅᓂᒃᑳᓕᐊᕐᓂᒃ. ᑕᒪᑐᒪᓂ ᐃᓚᒋᔭᐅᔫᑦ ᑕᒪᒃᑭᒃ ᖃᐅᔨᒪᔭᑐᖃᑦ ᖃᐅᔨᓴᒻᒪᕆᖕᓂᒃᑯᓪᓗ ᖃᐅᔨᒪᔭᑦ.
ᓇᐅᑦᓯᖅᑐᐃᕙᓐᓂᕐᒧᑦ ᐸᕐᓇᐅᑏᑦᑕᐅᖅ ᐃᑲᔫᑕᐅᕙᒻᒥᔪᑦ ᐱᕙᓪᓕᐊᑎᑦᓯᓂᕐᒧᑦ ᓇᐅᑦᓯᖅᑐᐃᖅᑕᐅᓯᒪᔪᓂᒃ ᖃᐅᔨᔭᐅᓯᒪᒍᓐᓇᖅᑐᓂᒃ ᓇᐅᒃᑯᑦ ᐊᒥᒐᓗᐊᖅᑐᖃᕐᒪᖔᑦ. ᑮᓇᐅᔭᑦᓴᐃᑦ ᐃᓚᖏᑦ ᐊᑐᐃᓐᓇᐅᑎᑕᐅᒍᓐᓇᕐᒥᔪᑦ ᓇᐅᑦᓯᖅᑐᐃᓂᕐᒧᑦ ᖃᐅᔨᔭᐅᔪᓂᒃ ᐱᕙᓪᓕᐊᑎᑦᓯᒍᑎᑦᓴᓂᒃ ᐊᖑᒪᓂᐊᖅᑐᓂᒃ ᓇᐅᑦᑐᖅᐃᕙᓐᓂᕐᒧᑦ ᐸᕐᓇᐅᑎᓄᑦ ᓯᕗᓪᓕᐅᑎᑕᐅᔪᓂᒃ.
ᖃᐅᔨᒪᔾᔪᑎᑦᓴᓂᒃ ᓄᐊᑦᓯᕙᑦᑐᑦ ᑕᒪᐃᓐᓂᒃ ᓇᐅᑦᓯᖅᑐᐃᓂᕐᒧᑦ ᐸᕐᓇᐅᑎᓕᕆᔾᔪᑏᑦ:
- ᐃᑲᔫᑕᐅᕙᑦᑐᑦ ᑲᒪᑦᓯᐊᕐᓂᕐᒧᑦ ᑲᔫᓯᓐᓇᕈᓐᓇᓚᖓᔪᓂᓗ ᐱᕙᓪᓕᐊᑎᑦᓯᔪᓐᓇᕐᓂᖅ ᑐᑭᓯᒪᐅᑎᑦᓯᖃᑕᕐᓗᑎᒃ ᓄᓇᕗᒻᒥ ᓄᓇᐃᑦ ᐆᒪᔪᖃᕐᕕᐅᓂᖏᑦ/ᓂᕐᔪᑎᖃᕐᕕᐅᓂᖏᓐᓄ , ᐱᕈᖅᕕᐅᔪᓐᓇᕐᓂᖏᓪᓗ ᐊᒻᒪᓗ ᐃᓅᖃᑎᒌᒃᑐᓂᒃ/ᐃᓄᔾᔪᑎᑦᓴᖃᕈᓐᓇᕐᓂᖏᑦ ᑮᓇᐅᔭᓕᐅᕈᑕᐅᒍᓇᕐᓂᖏᓪᓗᓐᓃᑦ ᐃᓅᔾᔪᑎᑦᓴᖏᓐᓄᑦ;
- ᑐᓴᐅᒪᑎᑦᓯᔾᔪᑕᐅᕙᑦᑐᑦ ᖃᓄᐃᓕᐅᕈᑎᔅᓴᓄᑦ ᐸᕐᓇᐃᒍᓐᓇᕐᓂᖏᓐᓄᑦ ᒐᕙᒪᒃᑯᑦ, ᓄᓇᕗᒻᒥᓗ ᐊᐅᓚᑦᓯᔨᐅᖃᑕᐅᕙᑦᑐᓐᓄᑦ ᐊᒻᒪᓗ ᓄᓇᕗᒻᒥᐅᓄᑦ.
- ᐃᑲᔫᑕᐅᕙᒻᒥᔪᑦ ᒪᓕᒐᓪᓗᑐᕆᔭᐅᕙᑦᑐᓂᒃ ᐱᐅᓯᒋᐊᕈᑕᐅᒍᓐᓇᕐᓂᖅ, ᐊᑐᖅᑕᐅᒍᓐᓇᖃᑕᕐᓂᖏᓐᓄᑦ ᐱᓪᓚᐅᕆᐅᓯᒪᔪᑦ ᓄᓇᕗᒻᒥ ᓇᐅᑦᑐᖅᑕᐅᓚᐅᖅᑐᓂᒃ ᖃᐅᔨᒪᔭᐅᓕᖅᑐᓂᒃ.
ᖃᓄᐃᑦᑐᓂ ᖃᐅᔨᒪᔾᔪᑎᑦᓴᐅᓂᐊᖅᑐᓂᒃ ᑕᒪᐃᓐᓂᒃ ᓇᐅᑦᓯᖅᑐᐃᔨᐅᕙᑦᑐᑦ ᓄᐊᑦᓯᓲᖑᒻᒪᑕ?
ᑕᒪᐃᓐᓂᒃ ᓇᐅᑦᓯᖅᑐᐃᔨᖏᓐᓂ ᓄᐊᑦᓯᒍᑕᐅᕙᑦᑐᑦ ᐊᒻᒪᓗ ᑐᑭᓯᓂᐊᖅᑕᐅᑎᑦᓯᓲᖑᓪᓗᑎᒃ ᖃᐅᔨᒪᔭᐅᓕᖅᑐᓂᒃ ᐱᔾᔪᑎᖃᖅᑐᓂᒃ ᐊᑯᓂᐅᓂᐊᖅᑐᒧᑦ ᖃᓄᐃᓕᖓᓚᖓᓂᖏᓐᓂᒃ ᓄᓇᕗᒻᒥ ᐊᕙᑎᖓᑦ, ᐃᓄᖁᑎᖏᑦ, ᓄᓇᓕᖏᑦ ᐊᒻᒪᓗ ᐃᓅᔾᔪᑎᑦᓴᖃᕈᓐᓇᕐᓂᖏᑦ. ᑕᐃᒃᑯᐊ ᐊᕕᑦᑐᖅᑕᐅᓯᒪᒍᓐᓇᕐᖓᑕ ᐊᒥᓲᑎᒋᓂᖏᓐᓄᑦ ᐅᕝᕙᓗᓐᓃᑦ ᐱᐅᔫᓂᖏᓐᓄᑦ, ᐊᒻᒪᓗ ᐃᓚᖃᖅᐸᑦᑐᑎᒃ ᑕᒪᐃᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᖃᐅᔨᓴᖅᑕᐅᓯᒪᔪᓂᒃ ᓄᐊᑕᐅᓯᒪᔪᓂᒃ. ᑕᐃᒃᑯᐊ ᐃᓱᒪᒋᔭᐅᖁᓕᖅᑕᖏᑦ ᒪᓕᒐᔭᖅᑐᑦ ᑐᑭᓯᓂᐊᕐᕕᐅᓯᒪᓂᖏᓐᓂᒃ ᓇᐅᑦᓯᖅᑐᐃᔨᖏᓐᓄᑦ ᐃᓚᒋᔭᐅᔭᕆᓖᑦ, ᓄᓇᕗᒻᒥᐅᓪᓗ ᐃᓚᒋᔭᐅᕙᓪᓗᑎᒃ, ᐊᖏᔫᑎᓂᒃ ᓴᓈᖃᖅᐸᑦᑐᑦ, ᑐᑭᓯᓂᐊᖅᑎᐅᕙᑦᑐᑦ ᐊᒻᒪᓗ ᖃᐅᔨᓴᖅᑎᓂᒃ.
ᖃᓄᕐᓕ ᐊᑐᕈᓐᓇᕐᓂᐊᖅᐳᖓ ᑕᑯᒍᓐᓇᕐᓗᖓ ᑕᐃᒃᑯᐊ ᖃᐅᒪᔾᔪᑎᑦᓴᓕᐊᕆᔭᐅᓯᒪᓕᖅᑐᓂᒃ ᑕᒪᐃᓐᓂᒃ ᓇᐅᑦᓯᖅᑐᐃᔨᖏᓐᓄᑦ ᓄᐊᑕᐅᓯᒪᖃᑦᑕᖅᑐᓂᒃ?
ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᖏᓐᓄᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᑦ ᐃᓚᒋᔭᐅᕗᑦ ᑐᑭᓯᓂᐊᕐᕕᐅᒍᓐᓇᕐᓂᕐᒧᑦ ᑕᑯᓂᐊᕐᕕᐅᒍᓐᓇᕐᓂᖅ ᓄᓇᕗᒻᒥᐅᓄᓪᓗ, ᐊᖏᔫᑎᓂᓪᓗ ᓴᓈᖃᖅᑐᓄᑦ, ᑐᑭᓯᓂᐊᖅᑎᐅᕙᑦᑐᓄᑦ ᐊᒻᒪᓗ ᖃᐅᔨᓴᖅᑎᓄᑦ, ᐊᒻᒪᓗ ᑭᓇᒃᑯᑐᐃᓐᓇᕐᓄᑦ ᐃᓄᓕᒫᓂᑦ ᖃᐅᔨᒋᒪᔪᓂᒃ ᐱᒍᒪᔪᓂᓪᓗᓐᓃᑦ ᓇᐅᑦᓯᖅᑐᖅᑕᐅᒌᒃᓯᒪᓕᖅᑐᓂᒃ ᖃᐅᔨᒪᔾᔪᑎᑦᓴᓕᐊᕆᔭᐅᓯᒪᓕᖅᑐᓂᒃ. ᑕᐃᒃᑯᐊ ᐸᕐᓇᐅᑎᖏᓐᓂᒃᑕᐅᖅ ᓴᖅᑭᑎᑦᓯᕙᒻᒥᔪᑦ ᖃᓄᐃᓕᖓᓕᕐᓂᖏᓐᓂᒃᐊᕙᑎᖏᓐᓂᒃᐅᓂᒃᑳᓕᐊᓂᒃ, ᓇᐃᓈᖅᓯᓯᒪᔪᓂᒃ ᑐᑭᓯᑎᑦᓯᒋᐊᕈᑕᐅᕙᑦᑐᓂᒃ ᓄᓇᕗᒻᒥ ᓄᓇᐃᑦ ᐆᒪᔪᖃᕐᕕᐅᓂᖏᑦ/ᓂᕐᔪᑎᖃᕐᕕᐅᓂᖏᓐᓄᑦ, ᐱᕈᖅᕕᐅᔪᓐᓇᕐᓂᖏᓪᓗ ᐊᒻᒪᓗ ᐃᓅᖃᑎᒌᒃᑐᓂᒃ/ᐃᓄᔾᔪᑎᑦᓴᖃᕈᓐᓇᕐᓂᖏᑦ ᑮᓇᐅᔭᓕᐅᕈᑕᐅᒍᓇᕐᓂᖏᓪᓗᓐᓃᑦ ᐃᓅᔾᔪᑎᑦᓴᖏᓐᓄᑦ ᖃᓄᖅ ᐱᐅᑎᒋᓕᕐᓂᖏᓐᓂᒃ.
ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᐅᑉ ᒪᓕᒐᔅᓴᕆᔭᖏᑦ ᐅᖃᓕᒫᓕᐅᕈᑎᑦᓴᖏᓐᓄᑦ 2013−ᒥᒃ
ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᒧᑦ ᐅᓂᒃᑳᓕᐊᖑᔪᓂᑦ ᐅᓂᒃᑳᖅ 2013−ᒥ NGMP Monitoring Blueprint Compendium ᐊᑑᑎᖃᖅᑐᖅ ᑐᑭᓯᐅᒪᔾᔪᑎᑦᓴᐅᒋᐊᕐᓂᕐᒧᑦ ᒫᓐᓇᐅᓕᖅᑐᖅ ᑕᒪᐃᓐᓂᒃ ᓇᐅᑦᓯᖅᑐᐃᖃᑦᑕᕐᓂᕐᒧᑦ ᐸᕐᓇᐅᑎᐅᑉ ᖃᐅᔨᒃᑲᐃᔾᔪᑎᖏᑦᑕ ᐊᒻᒪᓗ ᖃᐅᔨᒪᔾᔪᑎᑦᓴᐅᑉ ᑐᙳᕕᐊᓂᒃ, ᐊᒻᒪᓗᑦᑕᐅᖅ ᐊᑑᑎᖃᕆᓪᓗᑎᒃ ᓇᓗᓇᐃᓯᔾᔪᑕᐅᒍᓐᓇᕐᓂᖅ ᐊᓯᒃᑲᓐᓂᖏᓐᓂᒃ ᖃᐅᔨᒪᔾᔪᑎᑦᓴᐅᓕᕈᓐᓇᕐᒥᔪᓂᑎᒃ, ᑐᑭᓯᓂᐊᖅᑕᐅᓯᒪᓂᖏᓐᓂᒃ ᐊᒻᒪᓗ ᐅᓂᒃᑳᓕᐅᕈᑕᐅᕙᓐᓂᖏᓐᓄᑦ ᐃᓚᒋᔭᐅᖃᑕᐅᔪᓄᑦ ᓇᐅᑦᓯᖅᑐᐃᔨᐅᓂᖏᓐᓄᑦ. ᑕᐃᒃᑯᐊ ᒪᓕᒐᑦᓴᖏᑦ ᒫᓐᓇᐅᔪᖅ ᐱᑕᖃᕈᑕᐅᕙᑦᑐᑦ ᖃᐅᔨᒪᔾᔪᑎᒃᓴᓄᑦ ᐊᑐᓂ ᐃᒻᒥᒎᖅᑐᓂᒃ ᐱᒻᒪᕆᐅᓂᖃᕈᑎᖏᓐᓂᒃ ᐊᒻᒪᓗ ᓇᓗᓇᐃᖅᑕᐅᖃᑦᑕᕐᓂᖏᓐᓄᑦ ᑕᒪᐃᓐᓂᒃ ᓄᓇᕗᒻᒥ ᓇᐅᑦᓯᖅᑐᐃᖃᑕᕐᓂᕐᒧᑦ ᑐᕌᒐᕆᔭᐅᔪᓂᒃ, ᐱᑕᕆᐊᖃᖅᑐᓂᒃ ᐊᒻᒪᓗ ᒪᓕᒐᕆᔭᐅᕙᓐᓂᖏᓐᓂᒃ ᐊᑐᓂ ᑕᐃᒃᑯᐊ ᐱᒻᒪᕆᐅᓂᖃᖅᑎᑕᐅᓂᖏᓐᓄᑦ.
ᐅᑯᐊᑦᑕᐅᖅ ᖃᐅᔨᒋᐊᕐᕕᑦᓴᐅᔪᓐᓇᕐᒥᔪᑦ:
- ᓄᓇᕗᒻᒥ ᑕᒪᐃᓐᓂᒃ ᓇᐅᑦᓯᖅᑐᐃᖃᑦᑕᕐᓂᕐᒧᑦ ᐸᕐᓇᐅᑎ -ᒥ ᐱᒋᐊᖅᑎᑦᓯᔪᒪᔪᓂᒃ ᐱᓕᕆᐊᕆᓗᒋᑦ ᖃᐃᑦᑐᒍᑎᒃᓴᓄᑦ ᒪᓕᒐᑦᓴᐃᑦ Nunavut General Monitoring Plan 2019-2022 Call for Proposals
- ᓄᕕᖅᓴᐃᕙᓪᓕᐊᓂᖅ ᐊᑐᒐᑦᓴᓂᒃ Weaving our Tapestry - Nunavut General Monitoring Plan (NGMP) Strategic Plan: 2010-2015
- ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᒧᑦ ᐅᓂᒃᑳᓕᐊᖑᔪᓂᑦ ᐅᓂᒃᑳᖅ 2013−ᒥ NGMP Monitoring Blueprint Compendium
- ᓄᓇᑦᓯᐊᕐᒥ ᑲᑎᑉᐸᓪᓕᐊᑐᐃᓐᓇᖅᑐᓂᒃ ᐊᑦᑐᖅᑕᐅᓯᒪᓂᕐᒧᑦ ᓇᐅᑦᓯᖅᑐᐃᒍᑎᖏᓐᓂᒃ ᐊᒻᒪᓗ ᑕᐃᒃᑯᐊ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ: 2011/2012−ᒧᑦ ᑐᓴᕋᑦᓴᓪᓗᐊᑕᐃᑦ NWT CIMP and NGMP: Highlights for 2011/2012 – ᐅᓂᒃᑳᓕᐊᑦ (2013−ᒥ)
- ᓄᓇᑦᓯᐊᕐᒥ ᑲᑎᑉᐸᓪᓕᐊᑐᐃᓐᓇᖅᑐᓂᒃ ᐊᑦᑐᖅᑕᐅᓯᒪᓂᕐᒧᑦ ᓇᐅᑦᓯᖅᑐᐃᒍᑎᖏᓐᓂᒃ ᐊᒻᒪᓗ ᑕᐃᒃᑯᐊ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ: 2012/2013−ᒧᑦ and 2013/14 ᑐᓴᕋᑦᓴᓪᓗᐊᑕᐃᑦ NWT CIMP and NGMP: Highlights for 2012/2013 and 2013/14 – ᐅᓂᒃᑳᓕᐊᑦ (2014−ᒥ)
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: