ᓇᐅᑦᑎᖅᑐᐃᕙᓪᓕᐊᒋᓐᓇᕐᓂᖅ ᓄᓇᕗᒻᒥ

ᐊᔾᔨᓕᐊᖓ ᔅᑏᕝ ᐱᖕᒃᓴᓐ

ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑎᖏᓐᓂᒃ (NGMP ᖃᓗᓈᑎᑐᑦ) ᐅᖃᓕᒫᒐᐅᓪᓗᑎᒃ ᑲᑎᖅᓱᖅᑕᐅᓯᒪᓕᖅᑐᑦ ᐊᑕᐅᓯᕐᒥ

ᑖᒃᑯᐊ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦᒧᑦ ᐅᓂᒃᑳᓕᐊᖑᔪᓂᑦ ᐅᓂᒃᑳᖅ 2013−ᒥ NGMP Monitoring Blueprint Compendium ᐊᑑᑎᖃᖅᑐᑦ ᑐᑭᓯᕚᓪᓕᑎᑦᑎᔪᒪᓂᖅ ᒪᓐᓇᐅᓕᖅᑐᖅ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ  ᐸᕐᓇᐅᑎᒋᓂᒃ ᖃᐅᔨᒪᑎᑦᑎᓂᕐᒧᑦ ᐊᒻᒪᓗ ᖃᐅᔨᒪᕝᕕᐅᔪᓐᓇᕐᓂᕐᒧᑦ, ᐊᑑᑎᖃᕈᓐᓇᖅᓱᓂᓗ ᓇᓗᓇᐃᒃᑯᑕᕆᔭᐅᓂᕐᒧᑦ ᓱᓕᒃᑲᓐᓂᐅᓂᐊᕐᒥᔪᓂᒃ ᖃᐅᔨᒪᔾᔪᑎᒃᓴᓂᒃ ᑲᑎᖅᓱᐃᕝᕕᐅᓂᐊᖅᑐᓂᒃ, ᖃᐅᔨᓴᖅᑕᐅᔪᓂᒃ ᐊᒻᒪᓗ ᐅᓂᒃᑳᓕᐊᓂᒃ ᐱᓕᕆᐊᖑᓂᖏᓐᓂᒃ ᐃᓚᒋᔭᐅᔪᓄᑦ ᓇᐅᑦᑎᖅᑐᐃᔨᐅᖃᑕᐅᓂᕐᒧᑦ. ᑖᒃᑯᐊ ᐊᑐᒐᒃᓴᐃᑦ ᐃᓗᓕᖃᖅᑐᑦ ᒫᓐᓇᐅᔪᖅ ᖃᐅᔨᒪᔭᐅᔭᕆᐊᖃᖅᑐᓂᒃ ᐊᑐᓂ ᐃᖕᒥᒎᑦ ᐱᒻᒪᕆᐅᓂᖃᖅᑐᒡᒍᑎᐅᔪᓂᒃ ᐊᒻᒪᓗ ᐃᓕᑕᕆᔭᐅᓂᖏᓐᓄᑦ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ  ᑐᕌᒐᕆᔭᐅᔪᑦ, ᐱᑕᖃᕆᐊᖃᖅᑐᑦ ᐊᒻᒪᓗ ᒪᓕᒐᕆᔭᐅᔪᑦ ᐊᑐᓂ ᑕᒪᐃᓐᓂᑦ.

ᐃᓚᖏᑦ ᐅᖃᐅᓰᑦ ᐊᑐᖅᑕᐅᒐᔪᒃᑐᑦ

ᐊᕙᑎᒥᐅᓪᓗ ᐆᒪᔪᐃᓪᓗ ᐱᐅᓯᑐᖃᖏᓪᓗ ᑕᒪᑯᐊ: ᐱᔾᔪᑎᖃᖅᑐᑦ ᐱᐅᓯᑐᖃᕐᒥᒍᑦ ᐊᔾᔨᒋᖏᑦᑑᑎᐅᔪᑦ ᐱᑕᖃᐃᓐᓇᕐᓂᖏᑦ ᐆᒪᔪᑦ ᐊᒻᒪᓗ ᐊᕙᑎᖏᑦ ᐆᒪᔪᖃᕐᕕᐅᕙᖕᓂᖏᑦ.

ᐃᓅᖃᑎᒌᒃᑐᓂ ᐃᓅᔾᔪᑕᐅᕙᒃᑐᑦ: ᑕᒪᒃᑯᐊ ᐱᔾᑎᖃᖅᑐᑦ ᑐᑭᓯᐅᒪᓂᕐᒥᒃ ᐱᕙᓪᓕᐊᖃᑕᕐᓂᖏᓐᓂᒃ ᐃᓄᐃᑦ ᐃᓅᖃᑎᒌᒃᑐᑦ, ᖃᓄᕐᓗ ᐊᓯᐊᒍᑦ ᐊᒻᒪᓗ ᑮᓇᐅᔭᓕᐅᕈᓐᓇᕐᓂᖏᓐᓂᒃ ᐊᑐᕈᓐᓇᖅᑐᑦ ᑕᒪᐃᓐᓂᒃ ᐃᓄᐃᑦ, ᓄᓇᓕᖕᒥᐅᓪᓗ. ᑕᒪᒃᑯᐊ ᐊᑐᖅᑕᐅᔪᓐᓇᖅᑐᑦ ᒪᑯᓂᖓ ᐃᓚᖃᓲᑦ: ᐃᓄᐃᑦ ᐊᒥᓲᓂᖏᓐᓂᒃ ᓇᓃᓐᓂᖏᓐᓂᒡᓘ, ᖃᓄᐃᖏᓐᓂᖏᑦ, ᐋᓐᓂᐊᕐᓂᖃᖏᓐᓂᖏᓂᒡᓗ, ᓂᕿᒃᓴᖃᑦᑎᐊᕈᓐᓇᕐᓂᖏᑦ, ᐃᓕᓐᓂᐊᖅᑐᓕᕆᓂᖏᑦ ᐊᒻᒪᓗ ᐊᔪᕈᓐᓃᖅᓴᐅᑎᒃᓴᖃᕐᓂᖏᑦ, ᐃᒡᓗᓕᕆᓂᖅ, ᐱᕋᔭᑦᑐᓕᕆᓂᖅ, ᐱᓇᓱᐊᖅᐸᒃᑕᖏᓐᓂᒃ ᐊᓯᖏᓐᓂᒡᓗ ᐊᔾᔨᒋᖏᑦᑑᑎᐅᔪᓂᒃ, ᐃᓕᖅᑯᓯᑐᖃᕐᒥᓂᒃ ᐊᑐᕈᓐᓇᕐᓂᖏᑦ ᐃᓚᖃᕐᒥᔪᓂᒃ ᐊᑐᖅᑕᐅᓂᖏᓐᓂᒃ ᐃᓄᐃᑦ ᐅᖃᐅᓯᑐᖃᖏᑦ, ᐱᐅᓯᑐᖃᖏᓐᓂᒃ ᐊᒻᒪᓗ ᐊᔪᖏᓐᓂᖏᑦ, ᐱᓕᕆᐊᒃᓴᖃᕈᓐᓇᕐᓂᖏᑦ/ᐃᖃᓇᐃᔭᖃᕈᓐᓇᕐᓂᖏᑦ ᐊᒻᒪᓗ ᑮᓇᐅᔭᓕᐅᕐᓂᕐᒧᑦ ᐱᓕᕆᐊᕆᕙᒃᑕᖏᑦ.

ᓇᐅᑦᑎᖅᑐᐃᓂᕐᒥᒃ: ᓇᐅᑦᑎᖅᑐᐃᕙᓪᓕᐊᖃᑦᑕᐃᓐᓇᕐᓂᖅ ᖃᐅᔨᒋᐊᖃᑦᑕᐃᓐᓇᕐᓂᖅ ᓱᓇᑐᐃᓐᓇᕐᒥᒃ ᑕᐃᒪᐃᓕᐅᖃᑦᑕᖁᔭᐅᔪᓂ ᐊᑯᓂᐅᓂᖃᖅᑎᑕᐅᔪᓂᒃ.

ᖃᓄᐃᑦᑑᓂᖏᓐᓂᒃ ᖃᐅᔨᒪᑎᑦᑎᔾᔪᑏᑦ: ᖃᐅᔨᒪᔾᔪᑎᒃᓴᐃᑦ ᐊᒻᒪᓗ ᑲᑎᖅᓱᖅᑕᐅᓯᒪᓕᖅᑐᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᐊᑐᐃᓐᓇᐅᒐᔪᖏᑦᑐᑦ ᓈᓴᐅᓯᕆᔪᓂᒃ, ᑭᓯᐊᓂ ᓇᓗᓇᐃᔭᐃᓯᒪᓲᑦ ᐅᕝᕙᓗᓐᓂᑦ ᐅᓂᒃᑳᕈᑕᐅᕙᒃᑐᑦ ᖃᓄᐃᑦᑑᖃᑕᕐᓂᖏᓐᓂᒃ ᖃᐅᔨᓴᖅᑕᐅᔪᑦ, ᐃᓱᒪᒋᔭᐅᖁᔭᐅᔪᓪᓗᓐᓂᑦ. ᓲᕐᓗ ᐆᒃᑑᑎᒋᓗᒍ, ᖃᓄᐃᑦᑑᓂᖏᓐᓂᒃ ᖃᐅᔨᓴᖅᑕᐅᓂᖏᑦ ᓇᓄᐃᑦ ᐃᓚᖃᕋᔭᖅᑐᑦ ᖃᓄᐃᑦᑑᓃᖏᓐᓂᒃ/ᖃᓄᖅ ᑲᓚᖃᕐᒪᖔᑕ−ᑕᐅᑐᖃᕐᒪᖔᑦ/ᐋᓐᓂᐊᖃᖏᒪᖔᑕᓗᓐᓃᑦ ᓇᓄᕋᖏᑦ ᓇᓄᐃᑦ.

ᖃᓄᖅ ᓈᓴᖅᑕᐅᓯᒪᔪᓂᒃ ᖃᐅᔨᒪᑎᑦᑎᔾᔪᑎᒃᓴᐃᑦ: ᖃᐅᔨᒪᑎᑦᑎᔾᔪᑎᒃᓴᐃᑦ ᑲᑎᖅᓱᖅᑕᐅᓯᒪᔪᓪᓗ  ᖃᐅᔨᒋᐊᕐᕕᐅᔪᓐᓇᖅᓯᔪᑦ ᓴᕿᐅᒪᑎᑦᑎᓲᑦ ᓈᓴᐅᑎᑎᒍᑦ ᖃᓄᐃᓕᖓᓂᖏᓐᓂᒃ ᐆᒃᑐᕋᖅᑕᐅᓯᒪᔪᓐᓇᖅᑐᓂᒃ ᐅᕝᕙᓗᓐᓃᑦ ᑐᑭᓯᓂᐊᖅᑎᑕᐅᑦᑎᐊᕈᓐᓇᖅᑐᓂᒃ. ᓲᕐᓗ ᐆᒃᑑᑎᒋᓗᒍ, ᓈᓴᐅᓯᕆᓂᕐᒥᒃ ᖃᐅᔨᓴᖅᑕᐅᓯᒪᓂᖏᑦ ᓇᓄᐃᑦ ᐃᓚᖃᕈᓐᓇᖅᑐᑦ ᓈᓴᐅᑎᖃᖅᑐᓂᒃ ᐊᑐᖅᓯᒪᔪᓂᒃ ᐆᒃᑐᕋᖅᑕᐅᓯᒪᔪᓂᒃ ᖃᓄᖅ ᑐᕐᕈᑎᒋᖕᒪᖔᑕ ᓇᓄᐃᑦ ᓇᓄᕋᖏᑦ.

ᓄᓇᕗᒻᒥ ᑕᒪᐃᓐᓂᒃ ᓇᐅᑦᑎᖅᑐᐃᕙᓪᓕᐊᖏᓐᓇᕐᓂᕐᒧᑦ ᐸᕐᓇᐅᑎᖏᓂᒃ ᐱᒻᒪᕆᐅᓂᖃᖅᑎᑕᐅᓂᖏᑦ

ᐱᒻᒪᕆᐅᓂᖃᖅᑎᑕᐅᓂᖏᑦ ᐃᓚᒋᔭᐅᔪᑦ ᐊᕙᑎᒥᒃ ᐱᓗᐊᖅᑐᒥᒃ ᐱᒻᒪᕆᐅᓂᖃᕐᓂᖏᓐᓂᒃ ᑮᓇᐅᔭᓕᐅᕈᑕᐅᔪᓐᓇᕐᓂᕐᒧᓪᓗᓐᓃᑦ/ᐃᓅᔾᔪᑎᒃᓴᐅᕙᖕᓂᖏᓄᓪᓗᓐᓃᑦ, ᐃᓅᖃᑎᒌᒃᑐᓄᑦ, ᐃᓕᖅᑯᓯᖃᕐᓂᖏᓐᓄᑦ, ᓄᓇᓕᖕᓄᑦ, ᐊᕙᑎᓕᕆᓂᕐᒧᑦ ᐆᒪᔪᖃᕐᕕᐅᓂᖏᓐᓄᓪᓗᑦ, ᒪᓕᒐᓕᕆᓂᕐᒧᑦ ᐅᕝᕙᓗᓐᓃᑦ ᒐᕙᒪᓕᕆᓂᕐᒧᑦ ᐃᓱᒪᓘᑕᐅᔪᓂᒃ, ᓇᓂᑐᐃᓐᓇᖅ ᓄᓇᓕᖕᓂ.

ᐅᑯᐊᑦᑕᐅᖅ ᑐᑭᓯᓂᐊᕐᕕᒋᔪᒪᑐᐃᓐᓇᕆᐊᖃᕐᒥᔭᑎᑦ

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: