ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ

ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᑲᑎᖅᓱᐃᕙᒃᐳᑦ ᖃᐅᔨᓴᖅᐸᒃᖢᑎᒡᓗ ᑐᓴᖅᑕᐅᔪᒃᓴᓂᒃ ᐊᑯᓂᐅᔪᒥ ᐊᑐᖅᑕᐅᔪᑎᒍᑦ ᓄᓇᕘᑉ ᐊᕙᑎᖓᓂ, ᐃᓄᖏᓐᓂᒃ, ᓄᓇᓕᖕᓂ ᑮᓇᐅᔭᓕᐅᕈᑎᒃᓴᓂᒡᓗ ᑐᕌᖓᔪᖅ Article 12.7.6 ᓄᓇᕗᒻᒥ ᓄᓇᑖᕐᓂᒃᑯᑦ ᐊᖏᕈᑎᖓᓃᖓᖅᑐᖅ.

ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᑕᐃᒪᐃᓕᐅᕐᓂᐊᕐᓗᑎᒃ ᑲᑎᖅᓱᐃᔭᕆᐊᖃᖅᐳᑦ ᐆᒪᔪᓕᒫᑦ ᓇᔪᖅᑕᖓᓗ ᐊᒻᒪ ᐃᓅᖃᑎᒌᑦ ᐱᕙᓪᓕᐊᓂᖏᓐᓄᑦ ᖃᐅᔨᓴᖅᐸᓪᓕᐊᔾᔪᑕᐅᔪᓂᒃ, ᓇᓗᓇᐃᖅᓯᓗᑎᒡᓗ ᐱᑕᖃᙱᓐᓂᐅᔪᓂᒃ ᖃᐅᔨᓴᖅᑕᐅᔭᕆᐊᖃᕐᓂᖅᓴᐅᔪᓂᒃ. ᑕᒪᐃᓐᓂᒃ ᐊᑐᖃᑦᑕᖅᐳᑦ ᐃᓄᐃᑦ ᖃᐅᔨᓴᖅᑎᒻᒪᕇᓪᓗ ᖃᐅᔨᒪᔭᖏᓐᓂᒃ.

ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᐃᑲᔪᖅᑐᐃᖃᑦᑕᕆᕗᑦ ᐱᕙᓪᓕᐊᑎᑕᐅᔪᓂᒃ ᖃᐅᔨᓴᖅᐸᓪᓕᐊᓂᕐᒧᑦ ᑐᓴᒐᒃᓴᓂᒃ ᐱᑕᖃᙱᓐᓂᖃᖅᑐᓂᒃ. ᑭᒡᓕᖃᖅᑎᑕᐅᔪᓂᒃ ᑮᓇᐅᔭᓂᒃ ᒪᓂᒻᒪᒃᑎᑕᐅᔪᖃᕐᓂᐊᖅᐳᖅ ᖃᐅᔨᓴᖅᐸᓪᓕᐊᓂᕐᒧᑦ ᑎᑎᕋᖅᓯᒪᔪᑦ ᐱᓕᕆᐊᖑᕙᓪᓕᐊᑎᓪᓗᒋᑦ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᓯᕗᓪᓕᐅᑎᑦᑐᒪᔭᖏᓐᓂᒃ ᒪᓕᒃᑐᓂᒃ.

ᓯᕗᓂᒃᓴᑦᑎᓐᓂ ᓴᖅᑭᑎᑦᑎᓂᐊᖅᐳᑦ ᑭᒃᑯᑐᐃᓐᓇᑦ ᖃᐅᔨᓴᖅᐸᓪᓕᐊᔭᖏᓐᓂᒃ ᐅᓂᒃᑳᓕᐊᖏᓐᓂᒃ ᐊᒻᒪᓗᑦᑕᐅᖅ ᐱᒻᒪᕆᐅᔪᓂᒃ ᓄᓇᕗᒻᒥ ᐆᒪᔪᓕᒫᑦ ᓇᔪᖅᑕᖓᓗ ᐊᒻᒪ ᐃᓅᖃᑎᒌᑦ ᐱᕙᓪᓕᐊᓂᖏᑕ ᒥᒃᓵᓄᑦ ᑐᑭᓯᒋᐊᕈᑎᒃᓴᖏᓐᓂ ᐊᑐᐃᓐᓇᐅᓕᖅᑎᑦᑎᓗᑎᒃ ᐃᓄᖕᓄᑦ.

ᐊᑑᑎᖃᖅᑐᓂᒃ ᐊᑯᓂᐅᔪᒥ ᖃᐅᔨᓴᖅᐸᓪᓕᐊᔾᔪᑕᐅᔪᑦ ᐃᑲᔫᑕᐅᓂᐊᖅᐳᑦ ᐊᕙᑎᑦᑎᓐᓂᑦ ᐱᕙᓪᓕᐊᔪᓂᒃ ᑲᒪᑦᑎᐊᕈᓐᓇᕐᓂᕐᒧᑦ ᓄᓇᕗᑦ ᓄᓇᖓᓂ, ᐃᑲᔫᑎᒃᓴᓂᒃ ᐊᒻᒪ ᐃᓅᖃᑎᒌᑦ ᑮᓇᐅᔭᓕᐅᕈᑎᒃᓴᖏᓐᓂᒃ.

ᑐᕌᕈᑎᖃᓕᖅᑐᑦ ᐆᒥᖓ

ᑎᑎᕋᖅᑐᒍᑦ ᑐᓴᕐᑎᑦᑎᔪᒪᓪᓗᑕ ᐅᑯᐊ ᓄᓇᕗᒻᒥ ᑕᒪᐃᓐᓄᑦ ᒥᐊᓂᕆᔾᔪᑕᐅᔪᑦ ᖃᐅᔨᓴᕆᐊᓕᖕᓄᑦ ᐱᓕᕆᑎᑦᑎᔾᔪᑕᐅᔪᑦ ᓄᑖᒥᒃ ᖃᕆᓴᐅᔭᒃᑯᑦ ᑐᕌᕈᑎᖃᓕᖅᑐᑦ ᐆᒥᖓ "NGMP-PSGN@canada.ca". ᐅᓇ ᑐᕌᕈᑎᒋᓚᐅᖅᑕᖓ "aadnc.psgn-ngmp.aandc@canada.ca" ᐊᑐᕈᓐᓃᖅᑎᑕᐅᓯᒪᓕᖅᑐᖅ. ᑕᐃᑲᓂ ᓅᑕᐅᕙᓪᓕᐊᓂᖓᓂ ᖃᕆᓴᐅᔭᒃᑯᑦ ᑎᑎᖃᐅᓯᐊᑦ ᐊᐅᓪᓚᖅᑎᑕᐅᓯᒪᔪᓄᑦ ᑐᕌᕈᑎᑐᖃᖓᓄᑦ ᐊᐅᓪᓚᕐᑎᑕᐅᑲᓐᓂᕐᓂᐊᖅᑐᑦ ᓄᑖᒧᑦ ᑐᕌᕈᑖᕐᒧᑦ ᐃᒻᒥᓂᒃ ᐃᕐᖐᓐᓇᖅ; ᑕᐃᒪᓐᓇᐅᒐᓗᐊᖅᑎᓪᓗᒍ ᓄᓇᕗᒻᒥ ᑕᒪᐃᓐᓄᑦ ᒥᐊᓂᕆᔾᔪᑕᐅᔪᑦ ᖃᐅᔨᓴᕆᐊᓕᖕᓄᑦ ᐱᓕᕆᑎᑦᑎᔾᔪᑕᐅᔪᑦ ᑎᑎᖃᑦ ᑎᑭᓐᖏᑐᐃᓐᓇᕆᐊᖃᕋᔭᕐᒥᔪᑦ. ᑕᐃᒪᓐᓇᐅᓂᖓᓄᑦ ᐅᑯᐊ ᓄᓇᕗᒻᒥ ᑕᒪᐃᓐᓄᑦ ᒥᐊᓂᕆᔾᔪᑕᐅᔪᑦ ᖃᐅᔨᓴᕆᐊᓕᖕᓄᑦ ᐱᓕᕆᑎᑦᑎᔾᔪᑕᐅᔪᑦ ᑎᓕᐅᕆᕗᑦ ᐅᓇ ᑐᕋᕈᑎᖓᑦ ᐊᑐᖅᑕᐅᖔᓕᕐᓗᓂ ᐃᓕᓗᒍ ᐃᒡᕕᑦ ᑐᕌᕈᑎᖃᕐᕕᖏᓐᓄᑦ ᐊᒻᒪᓗ ᑎᑭᐅᑎᑦᑎᐊᕐᓂᐊᕐᒪᑦ ᑐᕌᖅᑕᒥᓄᑦ ᖃᕆᓴᐅᔭᒃᑯᑦ ᑎᑎᖃᐅᓯᐊᕐᕕᖓᑦᑎᒍᑦ. ᖁᔭᓐᓇᒦᒃ